ADILTARAY FONDA
Mate no boro te ga ciya adil irikoy jine
Iri hangankoy kulu iri go ga salam aran gaa koy hanna ma gaa kan ga ba iri kulu ma faham nda faaba fonda kan a feeri kan ga nan iri ma nga bay ga goro lakkalkanay ra nda nga ga du ga ciya adilyan nga jine.Binekaanay beeri no iri se iri ma iri "adiltaray fonda" wo toonandi aran do hunkuna. Iri ga annaniya sambu aran se kan iri ga annabey tirey caw ga fintal aran se ga du ga ciya adilyan irikoy jine.Fondo fo bon no aran go? Adiltaray fonda wala adiltarayjanay fonda?
Mate Irikoy go nda?
To, da a sinda gaham, mate no a go nda? Irikoy sanno ga iri fahamandi taray kwaaray. Yahaya 4:24"Irikoy ya biya no, bore kan ga a beerandi ga a biya nda cimi ra"Mate no irikoy gonda?Irikoy ya biya no.Adamize no a taka nda gaham nda biya, nga wo biya hinne no.Boroyan ga ne"Ay si ga di Irikoy, yadin ga a si no", iri ga borey din ha"aran bay ga di fundi camse? wala hawo kan aran go ga fulazam?"
Saytan nda maleekey
"Irikoy na maleeka taka nda haw, a na i ciya sanda danji beela"Maleekey go day sanda haw nda danji beela"Boro si di haw, boro si hin ga danji mo ham, yadin no maleekey go nda. Irikoy mana i no boro gaham cine, a se no boro si hin ga di ey. Maleeka marje no Irikoy taka?
Mate no Irikoy na ndunna taka nda?
jirbi hinzanta no Irikoy na harey taka kan nwaari ka boro nafa.Hari kulu kan Irikoy taka kulu ihanno no a na a taka.Boroyan ga ha ga ne:Da Irikoy ya ihanno no ifo se ndunna too nda taali? ifo se ay izo ga malati? ifo se Irikoy go ga nan borey go ga taali te?
Mate no Irikoy na ndunna taka nda?
irikoy soola nga ma admize taka a ma ba nga ga nga beerandi alzaati kulu.Amma hal irikoy ga boro taka, a taka a se ndunna kan bon a ga bafunay ga boori.Hunkuna iri ga di mate kan Irikoy nandunna soola boro se nda.Ifo no tirey ne wodin fondo ra?