Nta ciza dufise twoshikanira Imana
-
Mika 6: 8 - 15
Close
Ubuhanuzi bwa Mika
Twarabiye hamwe ubutumwa bwa mbere bwa Mika. Muri ubwo buhanuzi bwiwe, twabonye ko ibisgara ari ihwaniro ry'ivyaha. Twabonye ko Samariya na Yerusalemu vyari ibisgara vyubatswe ku musozi kandi kubw'ivyaha vyarimwo Imana ntiyavyihanganiye yabiciriye urubanza. Twarabonye ko imisozi iri kuri ivyo bisagara izoshengera munsi yiwe n'imyonga nayo isaduke. Ivyo rero vyarabaye kuko uyu munsi Samariya n'umusaka. Twabonye kandi ko mu gihe ca Mika, abantu aho kuja gusengera i Yerusalemu, bagenda ku misozi aho biyubakiye ibishushanyo ariko ivyo ntivyari mu kugomba kw'Imana. Ugusenga kwabo bwari ubusambanyi , bari baboshwe n'iminyororo y'ama dini. Imana rero yahanye ivyo bisagara.
Tubabarane mugusengeranira.
Mu cigwa c'uno musi, duheraheza kwiga kw'ikete rya mbere ryanditswe na Yohana. Ahanini ayo majambo aratwereka agaciro gakomeye ko kuba umwana w’Imana.
Ibibazo bine Ab'Isirayeli bibajije
Twarabiye hamwe ibibazo 4 Ab'Isirayeli babajije kugira barabe ingene boshika imbere y'Imana, babaza ico boserukana imbere yayo. Twabonye ko umuntu ataco afise ciza comushikana ku Mana yitwa ngo n'ishikanwa ashikanye. Ntaco Imana idusaba gukora ngo dushike imbere yayo atari gukora ibiroranye no gukunda kugira imbabazi, no kugendana nayo twicishije bugufi nk'uko Mika yabivugishijwe ku bwoko bw'Ab'Isirayeli. Ubwo nibwo buryo rero ushobora gukora kugira ngo ushike ku Mana mugabo ubwo buryo dutegerezwa kubufashwamwo n'ubushobozi bwa Mpwemu w'Imana.
Ibishinga intahe
Muri kino cigwa, turabona ko Mpwemu Yera ari we ashinga intahe yuko uwizera Umwami Yesu Kristo afise ubugingo budashira.
Ukuza kwa mbere kwa Kristo
Twabonye ukuntu Imana yabakingiye Balamu igihe yagomba kubavuma. Imana yari muruhande rwabo irabagwanira. Ntawushobora rero kuvuma uwo Imana yahezagiye, ese ukuntu ari vyiza kuba Imana iri muruhande rwacu n'uyu musi, unezererwe ko Imana iba mu ruhande rwawe.
Gutsinda isi.
Muri kino cigwa turabona ko Umuntu kugira ngo aronke agakiza gashitse habaho ukwizera ko yacunguwe n’amaraso ya Yesu Kristo, ariko kandi hakabaho kwakira Mpwemu Yera ngo akore mu bugingo bwiwe. Mpwemu Yera ni we adutahuza Ijambo ry’Imana twumva kandi akatwereka ingene twogenda mu kubaho kwacu nk’abakristo. Ni we atuma twizera yuko ugupfa n’ukuzuka kwa Kristo kurimwo ububasha buhambaye ku bugingo bwacu.
Ubuhanuzi bwo kuza kwa mbere kwa Kristo
Twakomeje kurabira hamwe ubuhanuzi bwari hafi ya kazoza mu vyo Mika atubwira, twabonye kandi n'ubuhanuzi buri kure ya kazoza. Twarabonye ko ivyago vyashikiye ubwami bwo mu bumanuko vyagereranywa n'imibabaro y'umugore afashwe n'ibise ngo avyare. Naho bagize ivyago, Nebukadineza agafata igisagara c'i Yerusalemu kigasambugwa mbere bagatwagwa nk'inyagano yamara Imana yavuze ko mu gihe kigiye kuza izohana abateye Yerusalemu , yabasezeraniye ko bazonesha ayandi mahanga muri Kazoza. Hazoba hari intambara ikomeye, intambara ya Haramagedoni, muri iyo ntambara niho Imana izoha inkomezi Isirayeli zo kunesha ayandi mahanga.
Ukwizera kw'umukristo
Muri kino cigwa, tubanya turaba aho ukwizera kw'umukristo guhagaze. Ni mu gukunda Imana, gukunda mugenzawe, biserurwa no kwitondera ivyagezwe. Kandi ngo ivyagezwe vy'Imana ntibigoye.
Ubuhanuzi bw'ukuza kwa mbere kwa Kristo
Twatanguye kurabira hamwe ubuhanuzi b'ukuza kwa mbere kwa Kristo. Twabonye ko vyari vyaravugishijwe ko Kristo azovukira I Betelehemu kandi nkuko twabibonye mw'isezerano risha, niko vyagenze.
Urukundo rutuma tuba mu Mana
Mu cigwa c’uwu musi turabona ingene urukundo rutuma abana b’Imana baguma muri yo na yo ikaguma muri bo.