Inyigisho za Bibiliya

Amaraso ya Yesu afise ububasha bwo kwoza ivyaha

Uwandikiye Abaheburayo yarerekanye ko Yesu wenyene ari we nzira yo kudushikana kuri Data wo mw'ijuru. Aravuga ngo dutumbere Yesu wenyene kandi twiyambure ivyo vyose vyoturemera kandi turi mw'ihiganwa. Imana iragomba abakristo babandanya urugendo ata gucika intege, kuko bazi ko impera yabo iri imbere.

Ahera ha mbere cari ikigereranyo c'ahera ho mwijuru

Hari abantu benshi berekanye ukwizera kwabo, bamwe bakavyerekanira mu kunesha intambara baciyemwo, abandi bakemera kubabazwa kubw'ukwizera kwabo. Abo bose Imana irabashingira intahe, ariko ntibarahabwa ivyasezeranywe vyo gutunganywa rwose kugeza aho tuzoba twaramaze gushika mw'ijuru kugira ngo tubihererwe hamwe

Uko isezerano Risasha riruta irya Kera

Rahabu yari umumaraya yaba i Yeriko. Yri akenhgeretse na cane cane kubera umwuga wiwe ugayitse. Ariko yakiriye neza Abisirayeli baje gutata igisagara. Imana yabimuharuyeko nk'ukugororoka

Umuherezi mukuru w'agakura

Isaka yahezagiye Yakobo na Esawu muu kwizera nta migisha ya buno nyene yari abafitiye. Yakobo na we nyene yahezagiye abana biwe n'aba Yosefu kuko yari yizeye Imana atakiri umubeshi nka kera. Yosefu Yagumye ari umwizigirwa kuko yari yizeye Imana iri kumwena we. Hanyuma kubw'ukwizera asaba ko amagufa yiwe azojanwa mu gihugu c'isezerano. Mose na we amaze kuvuka abavyeyi biwe baramunyegeza mu kwizera, kandi kanatsinda Imana yari imufiseko umugambi munini. Yosuwa na we ategekwa n'Imana uko bazonesha Yeriko bibanje guca mu kuzunguruka igisagara, aravyizera, kandi bica birashoboka

Yesu Umuherezi w'ibihe bidashira

Aburahamu yarumviy Imana imubwiye kuva mu b'i wabo n'aho atari azi iyo imujanye. Imana kandi yamusezeraniye ko izomugira sekuruza w'amahanga aravyemera mu kwizera n'aho umugore wiwe yari ashaje. Isaka umwana wiwe w'isezerano ni we yamutsweko n'Abayuda, nayo Ishimayeli uwo yavyaye ku ncoreke yiwe Hagari ni we sekuruza w'abarabu

Ubuherezi bwa Yesu buruta ubw'Abayuda

Henoki yatanguye kugenana n'Imana amaze imyaka 65 avyaye Metusela, aca agendana n'Imana imyaka 300 akora ivyo igomba, hanyuma iramutwara atabanje guca mu rupfu. Nowa na we yubashe Imana imuburiye ibitaribwaboneke, yubaka ubwato bwo kurokora umuryango wiwe. Yamae imyaka 120 yubaka ubwato kubwo kwizera

Yesu Umuherezi mukuru mu buryo bwa Melekisedeki

Ukwizera ni yo nzira yo gutahura ibitotahurika mu bundi buryo na bumwe. Ni kwo kudutahuza inkomoko y'ijuru n'isi n'ibirimwo vyose mu gihe ivyo bitotahurwa n'ubwenge bw'abantu. Mu gusigura ukwizera icoo ari co uwandikiye Abaheburayo yakoresheje uturorero tw'ababaye abahizi mu kwizera

Ivyamwa vyiza vy'akakiza

Ukwizera ni ukumenya rwose ivyizigirwa udakekeranya ngo ntibizoba. Ukwizera ni kwo kudushikana ku Mana. Ntawoshikanwa ku Manan'imigirwa, imigenzo canke ibikorwa vyiwe bwite. Ukutizera na kwo ni icago gituma ata gukira gushoboka.

Akaga ko guheba Imana

Umaze kwakira Yesu nk'Umwami nrUmukiza wawe ukadwebera mu migisha y'impwemu, ni vyiza kubandanya ata gusubira inyuma. Kuko vyanditswe ngo uwusiribanze Umwana w'Imana azohanwa birushirije

Ingene Kristo yatubereye umuherezi mukuru

Uwizera Kristo asabwa kwegera intebe y'ubuntu n'umutima w'ukuri kandi utarimwo ijwi riwagiriza ikibi. Igikenewe kugira ngo wegere intebe y'Imana ata ngorane ni uko woyegera n'umutima w'ukuri ata buryarya,; bitayeko woyegera ata gukekeranya nk'uko Abaheburayo bamwe bemeye Yesu ariko bakaguma bizirikiye ku migenzo y'ivyagezwe vya Mose

Kristo niwe muherezi wacu mukuru aruta Abalewi

Mu bimazi vyatangwa n'Abalewi hari icibukiriza ivyaha uko umwaka utashe. Ingorane nuko ivyo bimazi bitatuma umuntu aheba ivyaha. Iyaba vyarashoboka baba bararetse kubitanga. Ariko ikmazi Kristo yatanze ni umuti ku caha kuko uwakiriye agakiza vy'ukuri ntasubira kugira inyota y'ivyaha.