Ukuza kwa mbere kwa Kristo
-
Mika 6: 1 - 5
Close
Intangamarara y'icete ca 3
Twarabiye hamwe intangamarara y'aya ma kete yose uko ari atatu yanditswe na Yohana. Twarumvise ko umwanditsi ari Yohana intumwa kandi ko yayanditse igihe kiri hafi y'impera y'ikinjana ca mbere. Intumbero nyamukuru iboneka n'urukundo mu bana b'Imana nk'uko twabibonye mu ikete rya mbere rya Yohana . Mu ikete rya kabiri naho, Yohana yerekana ko umwana w'Imana ategerezwa kwitaho no gufasha abakozi b'Imana ariko abanje kumenya ko ari abo ukuri. Mu ikete rigira gatatu yerekana ingene umuntu umwe wese yoshingira intahe Imana afatiye kuri Gayo, Diyotirefe na Dimeteriyo.
Tugendere mu cagezwe c'urukundo
Mu cigwa c’uno musi tuza kurabira hamwe ko umuntu atagumye mu vyo Kristo yigishije ataba afise Imana. Turaza kurabira hamwe ko tudakwiye kwakira canke guha ikaze mu nzu zacu umuntu azanye inyigisho zitandukanye n’iza Kristo. Reka rero tubandanye icigwa cacu.
Ubuhanuzi bwo kuza kwa mbere kwa Kristo
Twakomeje kurabira hamwe ubuhanuzi bwari hafi ya kazoza mu vyo Mika atubwira, twabonye kandi n'ubuhanuzi buri kure ya kazoza. Twarabonye ko ivyago vyashikiye ubwami bwo mu bumanuko vyagereranywa n'imibabaro y'umugore afashwe n'ibise ngo avyare. Umubabaro w'umugore agomba kuvyara umara igihe gito hanyuma akanezerwa amaze kuvyara. abantu bo mu bwami bwo mu bumanuko bategerezwa kugira umubabbaro akanya gato hanyuma bakagira umunezero. Naho bagize ivyago, Nebukadineza agafata igisagara c'i Yerusalemu kigasambugwa mbere bagatwagwa nk'inyagano yamara Imana yavuze ko mu gihe kigiye kuza izohana abateye Yerusalemu , yabasezeraniye ko bazonesha ayandi mahanga muri Kazoza. Hazoba hari intambara ikomeye, intambara ya Haramagedoni, muri iyo ntambara niho Imana izoha inkomezi Isirayeli zo kunesha ayandi mahanga.
Urukundo n'iki?
Mu cigwa c’uno musi tubandanya kwumva ivyo urukundo n’ukuri. Turaza kurabira hamwe ukuntu ubugingo bubonekera mu nyigisho za Kristo. Dusozera tubwirwa kwiyubara ngo ntiduhombe ivyo twakoreye
Ubuhanuzi bw'ukuza kwa mbere kwa Kristo
Twatanguye kurabira hamwe ubuhanuzi b'ukuza kwa mbere kwa Kristo. Twabonye ko vyari vyaravugishijwe ko Kristo azovukira I Betelehemu kandi nkuko twabibonye mw'isezerano risha, niko vyagenze.
Urukundo rukwiye kuguma mu karimbi k'ukuri
Mu cigwa c’uno musi tubandanya kwumva ukuntu urukundo rukwiye kugarukira mu karimbi k’ukuri. Mu murongo wa kabiri w’iri kete havuga ngo: “Kubwo ukuri kuguma muri twebwe, kukazogumana natwe ibihe bidashira (2Yohana 2).” “Kubwo ukuri” bisobanurwa kurwanira ukuri. Dukwiye kumenya ko ukuri gutegerezwa gukingirwa.
Ubuhanuzi bwa hafi ya kazoza
Twakomeje kurabira hamwe ubuhanuzi bwari hafi ya kazoza mu vyo Mika atubwira, twabonye kandi n'ubuhanuzi buri kure ya kazoza. Twarabonye ko ivyago vyashikiye ubwami bwo mu bumanuko vyagereranywa n'imibabaro y'umugore afashwe n'ibise ngo avyare. Umubabaro w'umugore agomba kuvyara umara igihe gito hanyuma akanezerwa amaze kuvyara. abantu bo mu bwami bwo mu bumanuko bategerezwa kugira imibabaro akanya gato hanyuma bakagira umunezero naho bagize ivyago Nebukadineza agafata igisagara c'i Yerusalemu kigasambugwa mbere bagatwarwa nk'inyagano yamara Imana yavuzeko mu gihe kigiye kuza izohana abateye Yerusalemu. Yabasezeraniye ko bazonesha ayandi mahanga muri kazoza, hazoba hari intambara inkomeye intambara ya Haramagedoni. muri iyo ntambara niho Imana izoha inkomezi Isirayeli zo kunesha ayandi mahanga.
Intangamarara y'ikete rya 2
Mu cigwa c’uno musi tubandanya igice ca kabiri c’intangamarara ya mbere. Ubuherutse twarangije tuvuze ko dukwiye kwihweza irindi jambo rihambaye kugira ngo dutahure neza ico Yohana avuga ko dutegerezwa “kugendera mu muco nk’uko nayo iri mu muco”. Ukuri n’umuco ni bimwe, ni Ijambo ry’Imana, nk’uko tumaze kuvyumva no kubibona. Urukundo n’ukuri ntibitandukana. Kristo ni ihuriro rya vyose, Kandi vyose biva muri we. Ni we kuri kandi ni we rukundo. Imana ni urukundo kandi n’ukuri.
Ubuhanuzi bw'ubwiza bwa kazoza
Twarabiye hamwe ubuhanuzi b'ubwiza buzoba muri kazoza kubw'isezerano ryo muri kahise. Twabonye ko mu minsi y'iherezo umugwa wubatsweko ingoro y'Uhoraho uzotsimbatara ku mpinga y'umusozi ushigwe hejuru y'iyindi mirambi kandi amoko azosendanisha aja kuri wo. Twabonye ko amahanga azoduga ku mugwa w'Uhoraho. Uyu musi nta jambo ry'Imana risendanisha riva I Yerusalemu ariko mu gihe c'Iherezo rizosendanisha rivayo ngo rikwire isi yose ico gihe hazoba hari amahoro atigeze kubaho.
intangamarara y'icete ca 2
Twarabiye hamwe icete ca kabiri c'intangamarara hamwe n'umurongo wa mbere w'iki cete ca kabiri ca Yohana. Muri iyo ntangamarara, twarabonye ko urukundo ruvugigwa mu karimbi k'ukuri. Twarabonye kandi ko dutegerezwa kugendera mu kuri no mu muco nkuko Imana yacu nayo iri mu muco. Ikindi twabonye nuko urukundo n'ukuri bitigera bitandukana. Kandi urukundo ruvugwa hano n'urukundo rwo mu bana b'Imana. Yohana avuga mbere ko tudakwiye guha ikaze abigisha b'ibinyoma.