Ivy'uwo antikristo
-
Abaheburayo 3:12 -15
Close
Ivy'intambara zabaye hagati ya Egiputa na Siriya
Ubuheruka twumvise ivy'ububasha buhambaye bw'Umwami Yesu kandi tukabona n'ukugene aruta Mose. Twarumvise yuko Umwami Yesu ariwe muherezi mukuru yatwitangiye ko ikimazi c'ivyaha vyacu. Akaga ni ku bantu banka kumwizera kandi birigwa barumva ivy'inkomezi yakoze, abo rero baba banse kwinjira mu buruhukiro bw'imitima . Ukutizera nikwo kwatumye Imana igirira umwikomo ab' Isirayeli bavuye muri Egiputa ikabamarira mu bugaragwa ntibashike mu gihugu c'isezerano. Bamaze kurengana umusozi Sinayi , bagiye gutuma abatasi ngo baje gutata igihugu Imana yabasezeraniye babura kuyizera no kubandanya urugendo nk'uko yari yabategetse . Abatasi batumweyo Imana yarabaretse bashikiriza bagenzi babo inkuru z'agacavutu zivuga yuko badakwiye gupfa kwisukira mu gihugu c'isezerano kuko hariyo ibigabo vy'ibigatanya vyohava bibabera intambamyi. Urwo ruganwe rero rwose Imana yaciye iruzingira muri ubwo bugaragwa ruhonerayo nayo mu gihugu c'isezerano hashikayo abana n'abuzukuru babo. Ukutizera rero kw'ab'Isirayeli kwababereye inkwezi y'amarere.
Daniyeli abandanya iyerekwa.
Twarabiye hamwe ingene Kisto aruta Mose twishimikije muvyanditswe mu cete candikiwe Abaheburayo 3:1-6. Twarumvise ubwambere yuko Kristo ari umwana w'Imana nayo Mose akaba umushumba wayo . Kristo n'umuremyi ariko Mose akaba icaremwe. Abo bompi uko ari 2 vyanditswe ko bayobokeye Imana kandi bakaba mu rugo rwayo ariko bari batandukanye, twibuke amajambo yanditswe muri iki gice ca 3:6 . Abizera ijambo ry'Imana bakakira Umwami Yesu mu bugingo bwabo basangiye ihamagagwa riva mw'ijuru, abo nibo babangirije ubushizi bw'amamanga no kwirata ivyizigiro vyabo abo nibo kandi bitwa abo mu rugo rw'Imana.
Ivy'intumwa yo mw'ijuru
Twumvise ingene uwo Kristo arengeye n'abamarayika. Uwo niwe Mwami w'abami yahawe kuganza isi izobaho ariko abamalayika nabo n'abakozi gusa.
Daniyeli yitegurira kwerekwa
Twashishikaye kwiga kuvy'icubahiro ca Kristo n'ibihambaye yakoze mu gupfa akazuka . Twarumvise kandi uko Kristo yigize umuntu kugira ngo acungure isi. Bitayeko twaribukijwe yuko ukumwizera arikwo kwatumye tuba abana b'Imana maze tugaca twitwa bene se ba Yesu.
Inyishu y'ugusenga kwa Daniyeli
Twumvise ingene Kristo azoganza isi izobaho. Twarumvise ko iyo si ivugwa ari iyi nyene turimwo ariko Umwami Yesu akazoyisagazamwo amahoro ntangere aho azogarukira gushinga ubwami bwiwe. Abamalayika bo ngo ntibigeze bahabwa kuganza ahubwo bamye ari abakozi bo gutumwa gusa. Eka no mu gihe kizoza nt'amasezerano ahari yuko abamalayika bazoganza hano rero twongeye kubona ingene Kristo aruta abamalayika.
Ugusenga kwa Daniyeli
Tugize iminsi twigishanya kuvyerekeye icubahiro gihambaye ca Kristo. Tukaba twarabonye ingene aruta abavugishwa bose bamutanguriye n'ingene aruta abamalayika. Ubuheruka twarihweje ingene Imana ishingira intahe Kristo ko ariwe mwana wayo w'ikinege . Uwo nyene niwe Imana yatanze ngo apfe kubw' ivyaha vy'abo mw'isi.Mu gice ca 2:1-4 naho twarumvise ko tudakwiye kwanjanjwa ku gakiza kabonerwa muri Kristo Yesu.
Daniyeli asobanurirwa ivyo yeretswe
Twihweje ingene isi yabonye Imana muri Kristo n'ingene uwo Kristo aruta abamalayika . Ivyo vyose twabiganiriyeko twisunze ivyanditswe mu cete candikiwe Abaheburayo igice ca 1:3-7.
Daniyeli yerekwa impfizi y'intama n'iy' impene
Twabonye ivy'icubahiro gihambaye ca Kristo nk'uko twabibonye mu mirongo itatu yambere yo muri ik'icete candikiwe Abaheburayo
Ivy'agahembe n'amahembe cumi
Twarumvise agace k'ingene Kristo afise icubahiro ntangere. Ukuza kwa Kristo kwabaye uguhishugwa gukomeye kw'Imana. Uwo Kristo ni Mana yigize umuntu agaheza akaza kw'isi akabana n'abantu asa nabo. Imbere yuko Kristo aza, Imana yabaririye abantu mu kanwa k'abavugishwa nayo ivyo yagomvye kubamenyesha , ariko muri Kristo , niho habonetse uguhishugwa gukwiye kw'Imana. Ivyo Kristo yigishije hamwe n'ibitangaza yakoze vyari ibiva ku Mana ndetse yari Imana iriko iravugana n'abantu imbonankubone naho benshi batabitahuye abandi nabo bakabirwanya . N'uyu musi abantu bakomeza kwumva ubutumwa bwiza bakabufata minenegwe abandi bakaburwanya ariko ntibashobora guhindura integuro y'Imana.
Daniyeli yerekwa umwana w'umuntu
Twihweje intangamarara ijanye n'icete candikiwe Abaheburayo. Muri iyo ntangamarara rero, twarumvise ko ico cete c'Abaheburayo ari igitabo kivugwamwo cane ivy'icubahiro ca Kristo kirenze ic'abandi bose .Twarangirije kw'ijambo ryiza ritubwira ko Kristo ariwe dukwiye gushirako imitima .